BERITA

        SELAMAT DATANG BERITA GEREJA HKI

 

Adven dalam Gereja Kristen adalah nama periode sebelum Natal. Nama Adven diambil dari kata Latin Adventus yang artinya adalah Kedatangan. Dalam masa Adven umat Kristen Katolik Roma maupun Protestan menyiapkan diri untuk menyambut pesta Natal dan memperingati kelahiran dan kedatangan Yesus yang kedua kalinya pada akhir zaman. Adven diduga mulai dirayakan di kalangan umat Kristen sejak abad keempat.^[1]
Adven selalu mulai pada hari Minggu yang terdekat dengan tanggal 30 November (hari St. Andreas) (antara tanggal 27 November dan 3 Desember) dan berlangsung sampai Malam Natal 24 Desember. Dengan ini panjangya masa adven per tahun berbeda-beda, tetapi sebuah masa adven selalu terdiri dari 4 hari Minggu.
Pastor (imam) biasanya mengenakan toga (kasula) yang berwarna ungu kerajaan pada masa-masa ini. Banyak Gereja Katolik juga menempatkan sebuah rangkaian daun cemara adven pada misa adven. Karangan daun cemara itu terdiri atas empat batang lilin (tiga ungu dan satu berwarna merah jambu) yang ditata di sebuah lingkaran yang berwarna hijau yang melambangkan kehidupan yang kekal.
Lilin-lilin itu dinyalakan sebagai berikut:

• Minggu Pertama: sebatang lilin ungu
• Minggu Kedua: dua batang lilin ungu
• Minggu Ketiga (Gaudete): dua batang lilin ungu dan satu lilin merah jambu
• Minggu Keempat: tiga batang lilin ungu dan satu lilin merah jambu
• Malam Natal: keempat liin dan satu lilin natal berwarna putih di tengah rangkaian lilin adven.
• Hari Raya Natal: semua lilin dinyalakan.

Lilin dan warna liturgi ungu melambangkan warna pertobatan dan penyesalan yang ditandai oleh masa puasa. Lilin merah jambu dinamai juga lilin "Sukacita" (Gaudete) dan lilin ini berasal dari sejarah Adven. Puasa pada masa Adven dibuka pada hari Minggu yang ketiga sebagai penantian akan peristiwa besar yang akan datang. Seringkali sebatang lilin putih dinyalakan di tengah lingkaran. Ini adalah Lilin Kristus (lilin natal), yang melambangkan kelahiran Kristus. Lilin ini dinyalakan pada Malam Natal atau pada hari Natal itu sendiri.

<<BERITA TERKINI>>

TAHUN 2013 ADALAH TAHUN PENATALAYANAN HKI SECARA MENYELURUH

Posted on 24/12/2012 by Pdt. M. Pahala Hutabarat, STh MM

PENCANANGAN TAHUN PENGEMBANGAN PENATALAYANAN HKI 2013

Horas jala shalom ma di sude hurianta, Huria Kristen Indonesia, ruas rap dohot sude parhaladona Taon 2013 bahenonta jala gokanta ma nasataon i gabe taon PENGEMBANGAN PENATALAYANAN (hata Batakna: taon Lam Padengganhon RUMANG DOHOT RUHUT NI SUDE PANGHOBASION) ni Huria Kristen Indonesia. PENATALAYANAN (Rumang dohot Ruhut ni Panghobasion/RRP) i ma akka na niaturhon dohot nanihobashon asa tung haru dapot natinatap (visi) ni huria hombar tu tikki nanileon ni Debata Jahowa patupahon saluhutna i.

Di bagasan penatalayanan ikkon tontu do akka rumang (bentuk) ni panghobasion i. Aha ma sihobasan di tongatonga ni huria. Diaturhon do deba di Peraturan Rumah Tangga Huria Kristen Indonesia [songon na tarsurat di akka ulaon ni PP HKI, akka Departemen; ulaon ni bidang; ulaon ni seksi; ulaon ni majelis; ulaon ni praese, pandita, guru, sintua, diakon, diakones, uluan ni akka uluan ni lembaga (SM, Remaja HKI, PNB HKI, PW HKI, PA HKI), konven pandita, persekutuan guru jemaat; ulaon ni ruas] (Tajaha i ma saluhutna i). Alai tong do godang rumang ni sihobasan ni ganup huria, na so tarsurat di aturan i, hape ikkon hobashononhon hombar tu konteks luat inganan ni huria i.

Tu ganup rumang (bentuk) ni panghobasion i, dihaporluhon do ‘penataan’ (ruhut) ni ganup na naeng hobashononhon. Dang holan aturan na mangatur boha mangulahon, dohot do pangaturon tu akka ise namangulahon (personal) panghobasion i, dohot pangaturon taringot tu pamakkeon di tikki mangulahon, nang pangaturon tu parpeak ni akka ulaula (parhohas) sipakkeon mangulahon/manghobasi. Sude akka pangaturon i, ikkon mandukung tu pangeahion ni naditatap (visi) ni huria i. Visi ni HKI ima: huria na marhaporseaon na gogo, na misioner, na modern dohot na parduli (berdedikasi/ dedikatif). (Huria yang kuat iman, misioner, modern dan dedikatif). Ise do na mangaturhon? Adong do na ikkon diaturhon Synode, diaturhon majelis pusat, diaturhon Pucuk Pimpinan HKI, diaturhon sidang daerah, diaturhon Praeses, diaturhon majelis daerah, diaturhon rapat resort, diaturhon pandita resort, diaturhon majelis resort, diaturhon rapat resort, diaturhon pimpinan jemaat, diaturhon majelis jemaat; diaturhon lembaga (marhite kongresna, rapat pimpinanna di pusat, daerah, resort, jemaat, rapot anggota) lao mangatur lembaga i mangeahi hamajuonna hombar tu visi ni HKI. Akka pangaturon i mansai denggan molo dibaen sangunjur sian pusat, daerah, resort sahat tu huria. Mambaen hamaolon do di huria molo adong pangaturon i na masialoan, dang sangunjur manang dang sadalan. Ala ni i do umbahen mansai rikkot kerjasama, na masisukkunan, rikkot marria-huria asa dapot sahata-saoloan.

Di taon 2013 pamasaonta do Synode ni HKI pa-60-hon ari 13 -16 Agustus 2013 na marrumang synode kerja di Tarutung. Disi uhalonta jala takkasan ni sude parsidohot ni synode i do nunga olat ni dia na niula ni sude HKI (dang holan niula ni Pucuk Pimpinan) sahat tu tikki on. Pasti godang dope naso tareakan. Ala ni i hataan ma aha nanaeng baenon ni sude HKI di bagasan dua taon mangujungi periode on (sahat tu 2015), asa lam boi dapot jumpang natinatap (visi) ni HKI. Disakkapi do asa boi sinode i pature aturan Peraturan Rumah Tangga dohot Hukum Siasat Gereja (HSG) HKI asa lam takkas HKI sada huria na lutheran. Porlu patureon ni synode i struktur organisasi HKI, asa unang rawan konflik be; patureon taringot tu pamilliton ni Uluan (Pimpinan) ni HKI asa dao sian persaingan tidak sehat (parlumbaon na so denggan, na so patogu haporseaon). Porlu patureon ni synode i pangaturon taringot tu pardongan-saripeon, pandidion tu dakdanak, taringot tu na pasangap natoras naung monding. Laos diarop do asa boi synode i mambaen lam ampit Master Plan ni HKI naung hea ditotophon synode ni HKI di Sipoholon taon 2003. Tontu tung mansai porlu do akka haputusan ni synode, na so asal ditotophon, hape dang tarulahon. Lao mandapot haputusan na denggan jala denggan proses ni panontuhonna, ikkon mansai ture ma saluhutna i dilului di rapot huria,  rapot resort, rapot daerah, dung i annon di synode. Sude ma marsiadu patuduhon halambokon di akka panghataion, asa boi tatean tano on. Molo dung ture saluhutna i, boi ma saurdot sude ruas, parhalado ni HKI di pagaran, resort, daerah, pusat, songon nidok ni barita nauli i: “martomu sandok bagas i jala lam ganda, gabe joro na badia di bagasan Tuhan i” (Epesus 2:21). “Sian Ibana do sandok daging i dipadomu jala martomu, tiniop ni sude uraturat pangurupi, gabe lam magodang daging i mangihuthon pangulaon ni ganup ruas di bagianna be, pinauliuli di bagasan haholongon i (Epesus 4:16). Akka pangaturon na sangunjur jala nasadalan ma boi mambahen songon i huria (= ampuna ni TUHAN) i. Ganup rapot ikkon denggan didokumenhon (tota jala takkas: gokkon, sihataan di rapot, na manguluhon rapot, na hadir, notulen manang risalah ni rapot, dohot akka haputusan ni rapot). Jadi di taon 2013 on ikkon ma lam denggan  ruhut ni ganup sian sude sihobasan dohot panghobasion i.

Sadanari  rumang ni panghobasion na ikkon lam tu dengganna di taon Pengembangan Penatalayanan on, ima parmahanion (pastoralia). Tung mansai ture pe ruhut ni panghobasion (tata-pelayanan), ianggo so mardalan do lam tu dengganna parmahanion (pastoralia), magopo do sude ruhut i. Ulaon parmahanion i manghamham: 1) pature, patoguhon, padasiphon partondion ni sude jolma na masuk tu huria i, jala sudena i marojahan tu haporseaon na sintong i, naung pinodahon ni HKI. 2) mangaramoti sude parartaon ni huria i, i ma ruas, ugasan, tano, surat-surat (na arga dohot surat na somal), arta na boi morot dohot arta na so boi morot. 3) mangaramoti, paturehon parrona dohot pamakena, nang ulaon mambahen lam godang arta parhepengon ni huria i di pagaran, resort, daerah dohot pusat. Ulaon parmahanion di tolu bagian ni ulaon on, ikkon ma lam tu dengganna. Asa tanda na lam tu dengganna: a) ganup ma parmahan (pandita, guru, sintua) manurat di “buku ulaon parmahanion” akka dia ma na diulahon na be (misalna: tgl… jam… mandulo na marsahit; jam…mangajari …; tgl… mamodai na lao mardongan saripe. tgl… marsermon… tgl…. marjamita di partangiangan…., dohot akka na asing; hombar tu harikkotanna jala manggohi goar ni ulaon naung didaftar  ulahonon ni parmahan hombar tu tohonanna be).  Paboa na tutu ulaon i diulahon, dijalo pandita ma tekenan ni guru dohot sintua di inganan mangula i; dijalo guru ma tekenan ni pandita dohot sintua di inganan mangula i; dijalo sintua ma tekenan ni guru, patudu natutu do ulaon i masa. Dihatai ma denggan, sadia do leonon ni huria sipalasroha ni na mangulahon ulaon i. b) Ganup parmahan mambaen laporan semester taringot tu ulaon parmahanion nabinaenna be. Dipaboa ma disi akka dia ma hasilna; aha hamaolon; aha na rikkot parrohahonon jala baenon di ari na mangihut.

Mardomu tu ulaon parmahanion na marhahonaan tu parhepengon. Parmahanon do parhepengon ni ruas dohot parhepengon ni huria. Naeng ma ikkon lam marsigogo ganup pagaran, resort, daerah, nang sian Pusat ni HKI lao manogunogu sude ruas ni huria patamba panamotanna marhite akka ulaon na denggan. Ikkon lam pagodangon ni ruas ni HKI ma pangabahan dohot haroroan ni pandapotanna. Tatangianghon na asa anggiat Departemen Diakonia dohot Pengembangan Masyarakat  (PengMas) HKI boi mangula panogunoguon on sian Pusat, jala martomu tu daerah, resort dohot pagaran ni huria. Ikkon mamora do ruas ni huria i sian akka dalan pancarian na tama.

Parhepengon ni huria pe ikkon takkas do parmahanon ni sude parmahan di huria. Ruhut dohot akka sibahenon ni akka parmahan na marpardomuan tu parhepengon ni huria, i ma:

-       Ganup huria, resort, daerah nang pusat mambahen takkas anggaranna be (masuk dohot haruar) na marpardomuan lao pasukseshon ulaon di huria. Ikkon sangunjur jala sadalan ma akka anggaran i sian huria, resort, daerah sahat tu pusat. Tarida ma disi, sadia tu panghobasion di huria (gaji, biaya kantor), tu pembangunan, tu resort, tu daerah, tu pusat, tu lembaga (di huria, di resort, di daerah, di pusat), biaya ni akka rapot, pertemuan dohot na asing. Takkas do nang haroroan ni hepeng: sian durung-durung, sian pelean bulanan, sian janji iman, sian hamauliateon (ucapan syukur), sian akka sileonleon tu pembangunan, sian aka pesta/usaha papungu hepeng. Ikkon sai usahahonon ni ganup do asa gumodang na tarpapungu sian na tarharuarhon.

-       Ala huria pagaran do batang boban tu pangoluon ni huria i saluhut, i ma ngolu ni huria pagaran i sandiri, ngolu di resort, ngolu ni daerah dohot ngolu ni pusat, tung haulion dohot hadengganon ni parmahanion tu parhepengon ni huria do manontuhon dengganna parngoluon ni huria i saluhut. Mardomu tusi ma, ikkon ma tung denggan pangaramotion tu parhepengon ni huria i. Tarlumobi ma molo taingot, ia hepeng i tung hepeng ni TUHANta do, naikkon manghorhon harararat ni harajaonNa di portibi on. Ala ni i, ikkon takkas suraton ni guru huria/sekretaris huria di buku tingting jala ditingtinghon ganup minggu sadia saldo minggu na salpu, sadia na masuk di minggu nasalpu, sadia na haruar minggu nasalpu, jala sadia ma saldo di tikki dijaha tingting i. Takkas ma hepeng i dibukuhon bendahara, jala disimpan ma hepeng i di bank. Wajib ma dibaen  rekening ni huria i di Bank BRI na gabe inganan manimpan hepeng i. Agia tung pe otik hepeng ni huria i, tong ma disimpan di Bank. Dang denggan molo sai  ditangan ni manang ise hepeng ni huria i, manang sai ditukkus-tukkus bendahara hepeng i di jabuna. Molo adong hepeng na laho haruarhonon, sai ikkon ma pamotoi uluan dohot sekretaris.  Sibuat hepeng sian Bank ikkon tekkenan ni uluan dohot sekretaris ma, alai bendahara ma maniop cekna. Takkas ma ikkon adong bukti (kuitansi) ni hepeng na haruar, dohot nadijalo. Denggan ma dibaen evaluasi ni parhepengon sahali tolu bulan, jala denggan dilaporhon parhepengon i tu huria. Takkas ma dipaboa didia do hagaleon dohot hagogoon ni huria i taringot tu parhepengon. Ikkon marpartondion jala marhaporseaon na gogo ma akka na disuru huria i mangaramoti parhepengon ni huria.

-       Tung mansai pagogohon haporseaon ni ruas ni huria do molo tung mansai denggan dibaen pangurus ni huria (di akka tirket ni ulaonna be) akka srat-surat ni arta ni huria i, dohot akka surat-surat na ditongos dohot nadijalo huria i. Denggan ma diagendahon, disimpan di file  panimpanan ni surat, i ma surat na ro, dohot pertinggal ni surat na ditongos,  asa mura-mura muse dapot molo rikkot jahaon.

Lao mangeaki naditatap (visi) ni Huria Kristen Indonesia, i ma gabe huria na gogo marhaporseaon, misioner, moderen dohot parduli (dedikatif), tadalani jala tagoki ma taon 2013 on songon taon Pengembangan Penatalayanan (Lam padenggan rumang dohot ruhut ni nasa panghobasion di hurianta), dibagasan tema: Denggan do saluhutna i dibaen di tikki halehetanna (Parjamita 3:11a).

Tabi sian Pucuk Pimpinan ni Hurian (157)